Workshop about E-learning Model at UHS
កម្មវិធីសិក្ខាសាលា ស្តីពី E-learning Model
នារសៀលថ្ងៃទី ២៧ ខែ កក្កដា ឆ្នាំ ២០១៦ វេលាម៉ោង ១៤:០០-១៧:០០ សាកលវិទ្យាល័យវិទ្យាសាស្រ្តសុខាភិបាលបានរៀបចំ សិក្ខាសាលា ស្តីពី E-learning Model ។
សិក្ខាសាលានេះមានការអញ្ជើញ ចូលរួមជាគណៈអធិបតីភាពពីសំនាក់ លោកសាស្រ្តាចារ្យជំនួយ សេងសុភាព សាកលវិទ្យាធិការរងសាកលវិទ្យាល័យវិទ្យាសាស្រ្តសុខាភិបាល លោកនុត សុថន អគ្គនាយករង នៃវិទ្យាស្ថានបច្ចេកវិទ្យាកម្ពុជា ។ លោកហ៊ានសំបឿន នាយកមជ្ឈមណ្ឌលសិក្សាពីចម្ងាយ នៃវិទ្យាស្ថានបច្ចេកវិទ្យាកម្ពុជា ក៏បានអញ្ជើញជាវាគ្មិននាឳកាសនោះដែរ។ ជាមួយគ្នានោះផងដែរ ក៏មានការអញ្ជើញចូលរួមពីលោក-លោកស្រីសាស្រ្តាចារ្យ មន្រ្តីរាជការ នៃសាកលវិទ្យាល័យវិទ្យាសាស្រ្តសុខាភិបាល ប្រមាណ៥០រូប។
សិក្ខាសាលានេះមានសារៈសំខាន់សម្រាប់ជាទុនបង្ហាញផ្លូវអំពី E-learning Model ការបង្កើតមេរៀន E-learning ករណីសិក្សានៅ វិទ្យាស្ថានបច្ចេកវិទ្យាកម្ពុជា និងការសិក្សាតាមវិធីសាស្រ្តចំរុះនាំភាពជោគជ័យដ៏ធំ ទៅដល់និស្សិត។
